Ҳуррият

Бу дунёнинг барча сиру асрорларини,

Эй Худойим ёлғиз ўзинг яхши биласан.

Ёмонларни жазосини бергайсан ўзинг,

Яхшиларни паноҳингга олгайсан ўзинг.

Келди бугун қалбимизга буюк бир орзу,

Бомдод ўқиб сенга қилдик товба тазарру.

Юрт қайғуси ўртамоқда, юраклар оташ

Шунда келди сендан садо:”Олдинда кураш!

“Бир дажжолнинг қўлларига қолмангиз қараб,

У нокаснинг қулларига айланманг зинҳор!

Келди замон, қоматларни тикланг барчангиз.

Ҳурриятни истасангиз курашмоқ жоиз!

Оқ фотиҳа бердим сизга, куч қудрат сизга,

Иймонингиз бутун бўлсин, баракот сизга!

Душманингиз титрамоқда, ишонинг менга.

Бу курашда ғалабангиз ёр бўлар сизга!”

Ҳазратқул Худойберди

2011 йил 30-апрел