Исроил ва Ғарб давлатларининг Эрон халқига қарши янги уруш авантюраси зудлик билан тўхталиши керак!

Ушбу кунларда Исроил ва Ғарб давлатларининг нияти бузуқ сиёсатчилари Эронга қарши янги уруш авантюрасини бошлаш ҳақида ошкора сўз юритмоқдалар. Вазият борган сари таранглашаяпти. Агар Эрон раҳбарлари зудлик билан бу тангликдан чиқиш йўлларини излашмаса Ғарбнинг исканжаси янада кучаяди. Бу эса Ироқ сценарийсини такрорланишига сабаб бўлади. Бугун Эрон ҳокимияти бошига ташланган халқа аслида Эрон халқига қарши ташланаётган улкан оловдир. Агар Ғарб давлатлари қаттол Исроил ҳукумати ташаббусини қўллайдиган бўлса, бундан энг кўп зарар кўрадиган яна оддий фуқаролар бўлади. Бир пайтлар Саддам Ҳусайн ҳукуматига қарши қаратилган уруш аслида Ироқ халқига қаратилди. Натижада юз минглаб тинч аҳоли ўлдирилди, 50..60 йиллар давомида қурилган Ироқнинг барча коммуникациялари ва инфраструктуралари ер билан яксон қилинди, мана 10 йил бўлаяптики бу уруш хали ҳанўз тингани йўқ. Токи АҚШнинг сўнгги 40 минг кишилик Армияси Ироқдан чиқиб кетмагунча ва АҚШнинг қўғирчоқ ҳукумати ўрнига халқ сайлаган Ҳокимият ўрнатилмагунча бу уруш тўхтамайди.

Ироққа қарши уруш ҳам айни сабаблар билан , яъни Ироқнинг оммавий қирғин қуролларини йўқ қилиш учун бошланган эди. Ҳолбуки Халқаро Комиссия (10 марта текшириб ҳам!!!)у ерда ҳеч қанақа Оммавий қирғин қуролларини топа олмаган эди. Охирида иблисдан тарқаган Ж.Буш очиқчасига БМТнинг норозиликларига қарама қарши "Биз Ироққа қарши барибир уруш бошлаймиз!" деб ўзининг ниятларини очиқ изҳор этган эди. Бундай иблисона ҳарбий авантюрага ўша пайтда дунё сиёсатчилари ва кенг жамоятчилиги томонидан афсуски етарли даражада баҳо берилмади. Ана шунинг натижасида бугун бу дунё иблисларнинг янги Ҳарбий Авантюраси қаршисида худди қўл оёғи боғланган қўйдек ётибди.

Ушбу кунда дунёда бундай ноиложлик вазияти(шахматда бу Патовая ситуация дейилади) юзага келишига кўплаб давлатлардаги сотқин сиёсатчилар, парламент аъзолари, Ҳарбий Саноат вакиллари, Ҳарбий Лоббистлар ва Исроил ҳукуматининг нияти бузуқ сиёсатчилари сабабчи бўлмоқдалар(бу ҳақда алоҳида бир сурат: http://stopdictatorkarimov.com/War_creators_Uz.pdf ) .

АҚШнинг Ироққа қарши уруш авантюраси Исроилнинг АҚШдаги асосий таянчи бўлган AIPAC (http://aipac.org/ ) ташкилоти вакиллари ва АҚШ вице президенти Дик Чейни ҳамда Мудофаа вазири Дональд Рамсфельд билан биргаликда тайёрланган Уруш Режаси орқали тайёрланган эди. Бугунга келиб бу давлат ва уруш жиноятчиларининг биронтаси жиноий жавобгарликка тортилмадилар. Аксинча, улар қолдириб кетган тажриба ёрдамида айни сценарий бўйича энди Эронга қарши янги Уруш Режаси тайёрланмоқда.

Агар Дунё Жамоятчилиги бу сафар ҳам кучсиз намойишлар орқали бу урушни тўхтатаман деса афсуски буни уддалай олмайди. Бу янги урушни тўхтатишни ягона йўли - бу бутун дунёдаги тинчликсевар кучлар биргалашиб Дунё Тинчлик Маршларини тайёрлашлари, барча Парламентларни ўраб олиб сиёсатчиларни ўз ҳукуматларини бу урушга қарши чиқишларини талаб қилишлари керак! Акс ҳолда яқин ойлар ичида инсоният Марказий Осиёда улкан уруш олови ёқилишига гувоҳ бўлади. Бу урушдан энг аввало Эроннинг юз минглаб тинч аҳолиси жабр кўради холос. Ана шунинг учун ҳам бу урушга тайёргарлик зудлик билан тўхталиши керак!

Ҳазратқул Худойберди

2011-11-08